Fir se..

Fir se jeene ki chah mein udd chala ye mann..
Fir se tamannao ki raah pe chalne ko machal utha ye mann..
Na jaane kabse adhoori aas liye baitha tha ye mann..
Unn aashaon ko samet ke ab aage badh chala ye mann..

Palakon pe ab tak aasuon ke bojh se bhari tha ye mann..
Ab aankhon mein nayi tarang se khush hoke naach utha ye mann..
Nayi raah pe umang se daudne ko chahta hai ab ye mann..

Hawaon mein ab ek nayi si leher nazar aati hai..
Dhoop mein bhi ek bhini si taazgi dil ko chho jaati hai..

Na darr lagta pathrili raah pe chalne se mujhe..
Na darr lagta akeli raaton me mujhe..

Ek naya sa insaan jaaga hai aaj mujhme..
Ek nayi si roshni nazar aayi hai tujhme...









.......
My first attempt to write something in hindi.. :P