Friday, July 3, 2009

Moorakh!!

Dhund mein ojhal hota ek sapna..
Samay ki unmukt leheron mein khota koi apna..
Adhoore arman saanso ki dor se bandhe hue..
Fir bhi har saans mein ummeed ki khushi sanjoy nayi khushboo bharte hue..
Chirag ke tale ujale mein nazar aati ek murat..
Nahi jaanta uska pata aur na hi dikhti uski koi surat..
Nikal pada os se bichhi inn pathrili rahon par..
Na samajh aata os aur aansuon ke beech koi antar..
Ab lagta har jhooth sachcha aur har sach jhootha..
Palkon pe ek bhram ka manmaana moti jaise ho phoota..
Asmanjas ki raah pe chalta chala wo besudh..
Na jaanta moorakh isme hai na koi sukh..
Apne astitva se bekhabar chal pada wo khud ki talaash mein..
Na jaane kaunsi raah mila de usse uski manzil..issi aas mein..
Ek tooti ummeed aur beete palon ka sahara..
Pralay se anjaan bhavishya ke khoye sapno ko dekhta raha wo bechara..
Ab na jaane kaunsi raah pahunchayegi usse uski manzil..
Ya maut ke dhuen mein ho jaayengi uski aakhein kokil….

2 comments:

Looney said...

This is truy amazing...
one of ur best creations till date.
u r way better in hindi.
u r definetly a better writer than an enginer. hehhehe
u know this poem is for everyone.
I can relate to this. it takes u on a differnt plane.
I believe everyone will be able to do that.
truly amazing!!!

Anchal said...

This part of Ramya is undiscovered and unexplored by me

truly amazing.....